ciencia creativa

Moi boas, Crespocientífic@s!

Na entrada de hoxe deixámosvos un par de sinxelas actividades coas que desenvolver a maxia creativa que levades dentro!🌟

Que ben o pasamos!😍

Deica a próxima!😘

 

 Moi boas, Crespocientífic@s!!

 Hoxe traémosvos a nosa última experiencia co proxecto de Arte e Ciencia. Trátase da elaboración de debuxos animados motorizados. Queredes ver como o fixemos??

Velaquí unha demostración

E aquí unhas imaxes do ben que o pasamos😄

Deica a próxima!!😘😘

 Moi boas, Crespocientífic@s!!

 Hoxe traémosvos unha chulada de proxecto de Arte e Ciencia que vos vai encantar😍 Trátase da...

Cianotipia

A cianotipia é un procedemento fotográfico. Neste procedemento estampamos diferentes elementos sobre unha lámina e obtemos unha copia en negativo sobre un fondo azul.

Ides ver que bonito!

Antes de comezar a explicar o procedemento, é moi importante que evitedes a luz natrural durante todo o proceso, posto que os elementos químicos que empregamos son fotosensibles, é dicir, altéranse coa luz.

Así que, BAIXAMOS PERSIANAS!

E comezamos:

Va que é precioso!!😍😍

 Moi boas, Crespocientífi@s!

Hoxe os máis pequenos e pequenas do cole tráenvos unha actividade moi sinxela para que xoguedes na casa aos detectives.

Estades preparad@s? Comecemos!!

Velaquí unhas imaxes d@s nos@s pequen@s detectives: 😍

A CIENCIA DETRÁS DO XOGO

Como xa aprendemos no curso anterior, tanto a lombarda, coma a remolacha, coma os arandos, conteñen uns pigmentos chamados ANTOCIANINAS. 

Estes pigmentos son altamente sensibles ao grao de acidez das substancias coas entran en contacto, por iso ao mesturarse co limón (moi ácido) ou co bicarbonato (moi alcalino), estas antocianinas revélannos a mensaxe que ocultamos coa tinta invisible.

Chulo, va que si?😎

 Moi boas, Crespocientífic@s!!

Xa había ganas de empezar o ano cun pouco de ciencia, va que si? Pois estades de sorte, porque na entrada de hoxe traémosvos unha das últimas actividades que realizamos no pasado mes de xaneiro. Trátase da...

😲extracción de ADN das froitas!!!😮

fliiiipa!!

Aí van as instrucións:

E como unha imaxe vale máis ca mil palabras, velaquí os mosaicos coas fotos das nosas científicas e científicos ilustrando o proceso paso a paso:

ALGÚNS CONSELLOS PARA GARANTIR O ÉXITO DO EXPERIMENTO:

- Sede xenerosos coa froita. Usade tres ou catro amorodos ou un par de kiwis de tamaño mediano. Nós fomos algo rañicas cos kiwis e non conseguimos suficiente ADN😔

- Á hora de engadir o alcohol, NON REMEXADES, o ADN ten que quedar a flotar no vaso.

A CIENCIA DETRÁS DA EXPERIENCIA

Que pasou no experimento?

Na solución máxica que elaboramos para a extracción do ADN cada ingrediente ten un papel:

- XABÓN: Disolve as membranas celulares

- SAL: Rompe as cadeas de proteínas, liberando así o ADN

- ALCOHOL: O ADN non se disolve no alcohol, e menos cando este está frío, por iso queda a flotar no vaso.

E ata aquí a nosa experiencia. Esperamos que vos gustase. 

Deica a próxima!👋👋

Moi boas, Crespocientífic@s!

Na última entrada deste ano que remata imos deixarvos unha receita de galletas para que preparedes nestas festas e un pequeno vídeo sobre a fermentación.

Estades list@s? Comezamos!

Velaquí a receita:

Unhas imaxes do proceso:

Ata aquí a cociña. Agora, a ciencia!... Procedan Doutoras:

Pasade boas festas! Vémonos á volta!😘😘

Moi boas, Crespocientífic@s!!

Na entrada de hoxe traémosvos outra entrega de "Ciencia na Cociña" que de seguro ides querer probar nas vosas casas. Trátase da receita para facer queixo.

Tomade nota, que comezamos!

É moi importante que o leite sexa fresco e enteiro, do que atopades nas neveiras do súper. Se non é así, o leite non vai callar ben e ides quedar sen queixo😭

Velaquí unhas imaxes do procedemento:

E agora a CIENCIA!:

Cando mesturamos o limón co leite, o ácido cítrico do limón reacciona coa caseína (proteína do leite) e fai que se separe o soro (parte líquida do leite) do callo (parte máis espesa).

Deliciosamente sinxelo, va que si?!😋