MOMIFICAMOS UNHA... SALCHICHA!

Moi boas Crespocientífic@s!😎

A rapazada de Primaria non para! Esta vez, os nosos pequenos científicos e científicas fixeron un experimento que utiliza un proceso moi moi antiga... Trátase da momificación do Antigo Exipto! Agora, mans á obra, imos momificar un corpo, pero neste caso imos escoller unha simple salchicha! Todo empezou  o venres 30 de xaneiro de 2026.

Empregamos o material seguinte:

- un recipiente máis longo, ancho e profundo ca salchicha (utilizamos molde de aluminio para facer pasteis).

- Bicarbonato (bastante cantidade!).

- Unha báscula.

- Unha regra.

- Unha cinta métrica de costureiro/a.

1º día:

- Pesamos, medimos a nosa salchicha e anotamos as súas medidas no noso caderno de experimentos.

- Colocamos unha boa capa de bicarbonato no molde, depositamos a nosa salchicha e cubrímola outra vez de bicarbonato.

- Tapamos o "sacófago" cunha tapa de cartón decorada ao noso gusto.

- Deixamos reposar unha semana.

Unha semana despois: 

Abrimos a tapa e volvemos pesar, medir e observar o "estado" da nosa momificación! Que observamos? Canto pesa e mide agora? Que aspecto ten? Anotamos todo no noso caderno de observación...

A continuación, tiramos o bicarbonato vello e volvemos cubrir a nosa momia-salchicha e deixámola reposar un mes máis!💀

Un mes despois... Que pasou?

Os rechamantes cambios da nosa salchicha son o resultado directo da DESHIDRATACIÓN! Se deixamos a salchicha exposta ao aire, sen bicarbonato, transformaríase en algo espantoso, cheirento e con mofo...😖 As comidas que non se gardan na neveira estráganse porque as bacterias e os fungos necesitan auga para desenvolverse. O bicarbonato encargouse de sacar a auga que contén a salchicha e permitiu a súa conservación. Sen auga non hai putrefacción! Abraiante, non? 😊

Con este experimento, os rapaces e rapazas aprenden tamén a medir, pesar, observar

e sacar conclusión.

Unha introdución perfeita á metodoloxía científica!

 Moi boas, Crespocientífic@s,

Os nenos e nenas de Infantil estiveron moi atentos ás consignas para elaborar as súas pequenas botellas sensoriais mesturando unha solución de aceite de almendra con gotiñas de leite coloreada. E para aumentar o efecto relaxante do experimento, engadiron un chisco de purpurina e algunhas contas de cores. Un espectáculo de cores e formas cambiantes!

Velaquí as instrucións ! Xa veredes que doado é!😀

 Boas Crespicientífic@s!😎

Esta semana, os nenos e nenas de Infantil, 1º e 2º de Primaria estiveron comprobando o fenómeno da capilaridade cun experimento cheo de cores! 

Velaquí a explicación do proceso:

O CLUB DE CIENCIAS DE PADRENDA NON PARA...

O venres 30 e sábado 31 de xaneiro de 2026, o profesorado do noso Club de Ciencias asistiu a unha formación no CEFORE de Ourense. Alí, realizamos varios experimentos super divertidos que levaremos na práctica durante as próximas sesións do Club de Ciencias co noso alumnado! 

Aquí tedes unha pequena mostra do ben que o pasamos experimentando con plastilina condutiva, con circuítos electrónicos ou montando unha nave espacial que propulsamos polo aire!

O Club de Ciencias prepara o Nadal🎅

 Moi boas Crespocientífic@s!😀

As festas de fin de ano están a chegar e dende o Club de Ciencias decidimos preparar unhas pequenas candeas perfumadas e de cores tan características desta época do ano!🎄

Para iso, utilizamos:

• Cera de soia ecolóxica (non contén parafina para evitar substancias tóxicas ao quemarse).
• Mechas de algodón.
• Botes con deseños navideños.
• Esencias naturais (lavanda, menta, romeu, laranxa, etc.).
• Colorantes para candeas.

O proceso foi moi sinxelo:

• Quentamos a cera nun cazo (coa supervisión dun adulto👀).
• Engadimos o colorante e a esencia natural.
• Colocamos as mechas nos botes (suxeitámolas cunha pinga de silicona).
• Vertemos delicadamente (tamén coa axuda dun adulto👀) a cera nos botes, esperamos a que arrefríen as candeas e LISTO!

Foi unha maneira moi divertida de preparar o Nadal 

e unha vez máis, pasámolo xenial!

FELICES FESTAS A TODOS!🎉

Ola querid@s Crespicientífic@s!

Este mes, xogamos coa vista e a ilusión óptica👀a través de dous experimentos moi sinxelos e divertidos! Velaquí as explicacións do primeiro:

- enrola un folio como se fora un anteollos🔭

- mira cun ollo a través do tubo

- mantén pechado o ollo contrario

- coloca a outra man preto do extremo do anteollos

- agora abre os dous ollo.

QUE VES?

SIIIIII, UN BURATO NA TÚA MAN!!!

PARECE MAXIA, NON É?😀

EXPLICACIÓN CIENTÍFICA👇

Está claro que vemos polo dous ollos. Neste experimento, o noso cerebro combina as dúas imaxes para crear outra tridimensional única que nos permite percibir a profundidade e a distancia. Este fenómeno chámase rivalidade binocular!

O segundo experimento resultou moi divertido pero acabamos todos un pouco mareados! 😦Consistiu en intentar escribir mirando a libreta e o boli por un espello que pegamos nunha viseira. Experimentamos deste xeito o que se chama escritura en espello. Intentamos escribir o noso nome ou seguir un labirinto... Un verdadeiro desafío! A nosa man quere ir á dereita e non podía...

DEFINITIVAMENTE O CEREBRO ENGÁNANOS

PERO CON DIVERSIÓN GARANTIZADA!!!

 

🌿 Club de Ciencias: Descubrindo as cores ocultas das follas de outono 🍁

Esta semana, no Club de Ciencias, fixemos unha actividade moi especial: realizamos cromatografías de follas de outono para descubrir que cores se agochan detrás do verde que vemos durante o verán.

Recollemos follas verdes, amarelas e vermellas, e empregamos papel de filtro e alcol etílico para extraer os pigmentos. Pouco a pouco, a cor subiu polo papel e fomos observando as distintas franxas de pigmentos: primeiro a clorofila, responsable do verde intenso das follas, e máis arriba os carotenos e xantofilas, os pigmentos amarelos e alaranxados que aparecen cando a clorofila se degrada co paso do tempo.

Así comprobamos como, cando chega o outono e diminúe a luz solar, as plantas reducen a produción de clorofila e deixan ver as cores que sempre estiveron aí, pero agochadas.

Foi unha sesión chea de cor, ciencia e curiosidade, na que aprendemos que a natureza é tamén unha gran química.